100+ o arddangosion ymarferol

Mae Techniquest yn gartref i dros 100 o arddangosion ymarferol sy’n dod â gwyddoniaeth a thechnoleg yn fyw mewn ffordd fythgofiadwy.

O beiriannau anhygoel i ddyfeisiau rhyfeddol a phosau dyrys sy’n profi nerth a gallu, yn ogystal â llithren arian arbennig. Mae rhywbeth i ddiddanu pawb o bob oed.

Gallwch brofi nerth corwynt a phŵer daeargryn, creu tân gwyllt digidol a chynnal llawdriniaeth rithiol. Beth am roi cynnig ar yrru llong danfor neu lanio llong ofod, gwylio’r gytref o forgrug dan olau isel neu mwynhau’r olygfa ysblennydd o Fae Caerdydd yn ein gardd synhwyraidd.

Mae sawl parth i’w fwynhau: y gofod, yr amgylchfyd, cemeg, biofeddygol a materion y byd, yn ogystal ag Ardal Retro sy’n boblogaidd iawn gyda phlant. Dewiswch yr ardaloedd sydd o ddiddordeb i chi, a mwynhewch!

Os fyddwch chi’n rhedeg allan o amser i weld pob dim, peidiwch â phoeni!

Cymerwch olwg ar ein Tocyn Blynyddol i weld sut gallwch ymweld dro ar ôl tro.

NEWYDD am 2026 — Parth Creu a Siapio

Yn y Parth Creu a Siapio newydd, gall plant o bob oed archwilio eu hochr artistig a gadael i’w creadigrwydd lifo.

Gyda gorsafoedd creadigrwydd amrywiol sy’n cynnwys Spirograffau, LEGO, origami, creadigaethau cardbord, K’NEX a mwy, byddant yn cael rhoi cynnig ar y cyfan!

Gallwch ddod o hyd i’r Parth Creu a Siapio ar lefel 2 fel rhan o’n estyniad sydd newydd agor, lle mae toiled hygyrch hefyd. Does dim angen archebu — galwch heibio ar unrhyw adeg fel rhan o’ch tocyn mynediad a gweld beth allwch chi ei greu gyda’ch gilydd.

Cynnwys wedi’i ddylunio a’i adeiladu gan y tîm creadigol talentog yn Techniquest. Diolch yn arbennig i’n cyllidwyr am ddatblygu’r gofod newydd hwn: Sefydliad Bradbury, Sefydliad Moondance, Sefydliad Garfield Weston, Sefydliad Foyle, a Llywodraeth y DU drwy’r Gronfa Ffyniant a Rennir.

  Darllenwch fwy am y Parth Creu a Siapio ar ein tudalen Newyddion.

Parth Chwarae Metro Bach

Mae’r Parth Chwarae Metro Bach yn berffaith am blant dan-7 i gynnig eu dychmygion wrth iddyn nhw archwilio byd gwaith cyffrous.

A ydyn nhw’n eistedd mewn sedd arweinydd trên, arlwyo ar gyfer ‘cwsmeriaid’ mewn caffi safle bach neu chwarae fod yn arwyddwr rheilffyrdd sy’n cadw’r traciau’n glir, mae yna nifer o gyfleoedd i gadw’n hymwelwyr iau yn brysur yn y safle newydd sbon hwn.

Gwyliwch wrth iddyn nhw droi’n peiriannydd dan hyfforddiant gyda ni: rho het galed felyn ar dy ben, gwisga siaced high-vis bach, a pharatoi i chwarae!

Wedi’i greu gan y tîm yn Techniquest gyda chefnogaeth o Drafnidiaeth Cymru, Siemens Mobility a Balfour Beatty.

  Darllenwch ein blog i ddarganfod sut cafodd y Parth Chwarae Metro Bach ei greu.

  Archebu Tocynnau