Diwrnod Plant Bach

Ar Ddiwrnodau Plant Bach mae’r arddangosfeydd wedi’u neilltuo i blant bach, er mwyn iddynt gael mwynhau mewn awyrgylch ddiogel.

• Mae lliwiau llachar ein harddangosfa yn sicr o ddenu plant bach, ac rydyn ni’n eu hannog nhw i edrych o gwmpas ac i fwynhau. Mae Techniquest yn hygyrch i bramiau ac mae cyfleusterau newid clytiau a loceri ar gael.
• Mae gennym ni ardal ddŵr, felly mae’n syniad da i ddod â dillad sbâr i’r plantos.
• Mae diodydd poeth ac oer a byrbrydau ar gael i’w prynu o Coffee Mania. Nodwch, ni chaniateir bwyta nac yfed yn yr arddangosfa, ond mae ardal Bicnic ar gael. Ymddiheurwn, na fydd cyfleusterau twymo bwyd a photeli ar gael.
• Mae croeso i chi fwydo ar y fron yn yr ardaloedd arddangos, neu os oes well gennych fwydo mewn ardal breifat, mae’r Pod ar gael i chi ei ddefnyddio hefyd.
  Darganfyddwch fwy o wybodaeth ddefnyddiol am ddod â phlant ifanc i Techniquest ar y dudalen babanod.

Gweithgareddau diwrnodau plant Bach

Yn ystod pob Diwrnod Plant Bach bydd nifer o weithgareddau wedi’u teilwra’n arbennig i’ch plant ifanc. Mae rhai yn gynwysedig ym mhris eich tocyn ac mae ambell i un yn costio’n ychwanegol.

• 

  Trosluniau lliwgar

  Rhan o bob Diwrnod Plant Bach
  Yn gynwysedig ym mhris eich tocyn

  ---

  Addurnwch eich hun gyda throsluniau lliwgar, a dangoswch y patrymau gwych i’ch ffrindiau bach.

• 

  Gorsaf Liwio

  Rhan o bob Diwrnod Plant Bach
  Yn gynwysedig ym mhris eich tocyn

  ---

  Ydy’r plantos angen hoe fach o’r arddangosfeydd? Beth am ymlacio a mwynhau bod yn greadigol?

• 

  Cornel ddarllen

  Rhan o bob Diwrnod Plant Bach
  Yn gynwysedig ym mhris eich tocyn

  ---

  Beth am swatio yn ein cornel ddarllen a mwynhau casgliad hyfryd o lyfrau Cymraeg a Saesneg a storïau rhyngweithiol.

Yn ychwanegol i reini, dyma’r gweithgareddau eraill sydd ar gael ar bob Diwrnod Plant Bach:

Dydd Gwener 6 Mawrth 2025

Straeon y Sêr: Under the Bed

Teimlwch yn gysurus yn ein Planetariwm clyd am amser stori o dan y seren a thaith fer mewn i’r gofod.
Mae llyfr y mis hwn yn “Under the Bed” gan Paul Bright — stori odledig amdan gwahanol bryfed ac anifeiliaid sy’n byw o dan y gwely, gan gynnwys un anghenfil ofnus sy’n sugno ei fys bawd.
£2 y plentyn

The Mini Movement

Mae Mini Movement yn ddosbarth dawnsio i fabanod, plant bach, a rhieni wedi’i ddatblygu gan ffisiotherapydd pediatrig ac athro dawns.
Mae ein gwersi hwylus a rhyngweithiol yn ffocysu ar ddatblygu’r sgiliau echddygol plant bach trwy’r byd dawns a cherddoriaeth yn ogystal â chyflwyno chwaraeon synhwyraidd, tylinon fabanod a chymdeithasu.
Wedi’i gynnwys ym mris mynediad.

Mynediad diwrnod plant bach

[table id=92 /]  Archebwch Tocynnau

* Mae Techniquest yn elusen gofrestredig ac mae tocyn yn cynnwys rhodd wirfoddol o oddeutu 10%. Mae hyn yn galluogi Techniquest i hawlio Rhodd Cymorth ar 100% o bris mynediad. Mae pob ceiniog yn mynd tuag at gefnogi Techniquest a’i nod o sicrhau bod gwyddoniaeth yn agored i bawb.